苗禮德力爭從練700W　翡翠精選主力進攻 15/05/2022 苗禮德成績一向穩定，單季頭馬極少低過3字頭，對上一次贏唔夠30W，已經係08至09年度馬季，苗廐嗰季只得24場頭馬。不過，老苗今季表現唔算太突出，計埋剛周三谷戰嘅「高高」，暫時只得22W，如果今季繼續想有3字頭，真係要加把勁喇。 「翡翠精選」今仗出王牌有決心爭霸。 不過，原來啱啱「高高」係苗禮德在港第699場勝仗，換言之只差1場就贏夠700W。 苗禮德 今日苗廐派6駒參戰，話唔定可以完成目標。牌面最好當然係第3場「常拼常勇」，不過第9場苗廐雙龍出海，仲要係一對同主馬，查最近兩次苗廐同場出兩駒，結果都順利取得頭馬，呢場「翡翠綠」季內兩捷已交代，反而「翡翠精選」今季未勝，前仗用賀銘年第4走勢復甦，近兩仗換人表現平平，今仗出王牌回配賀銘年，看來志不在小。