永遠美麗誓圓打吡夢 26/02/2023 「美麗」系話事人郭少明囝囝郭浩泉，剛周三靠名下嘅4歲馬「美麗奔馳」食尾胡，心情當然興奮。不過，今日佢應該會仲緊張，事關佢另一匹愛駒「永遠美麗」出戰第3場二班1600米草地，若然順利攞到季內第4W，下仗如無意外就會角逐打吡，為郭氏家族爭取首個打吡冠軍。 永遠美麗上仗田草1400米贏到收韁。 郭浩泉其實養過唔少佳駟，當中最出名梗係前馬王「美麗傳承」，郭生亦提到原來「永遠美麗」同「美麗傳承」一樣咁有性格，前駒今季都試過出跑道時拋跌潘頓被迫退出，所以佢都想「永遠美麗」好似「美麗傳承」一樣咁有成就。至於長力方面，郭生話既「永遠美麗」父系出自「花旗」，同父馬「加州星球」上季打吡跑第2名，而外祖父「小法寶」有長力，只要遺傳到少少長力，應該可以扳上2000米，而且由蔡神仙訓練更添信心。 蔡約翰