黎昭昇爸爸爺爺齊探班 20/09/2023 黎昭昇上季取得35W成績，今季此倉口增加了兵源，又喜獲「福逸」加盟，自然有更多人留意黎廐，然而跑咗3期賽事，只取1次季軍成績，唔通佢同上季一樣，又係季初慢熱？不過睇番今期賽事，黎昭昇3駒都分量十足，有望開胡。 黎昭昇的爸爸（右）及爺爺昨現身沙田馬場。 昨日晨課，黎昭昇除咗密密打點馬房事務之外，佢嘅爸爸同埋爺爺，都專程到沙田馬場探班，雖然黎昭昇爺爺需要用拐杖輔助行路，但仍然有心有力，一直睇足5組試閘，又同黎昭昇有講有笑，關係非常融洽。至於黎昭昇馬房社交平台日前亦貼上一家人食飯嘅溫馨合照。相信練者都想盡快贏馬，喺家人面前威番一次！