木火兄弟操好至出 25/11/2023 何良散倉後，部分前何廐賽駒跟隨副練梁明偉轉投到鄭俊偉馬房，包括「木火同明」及「木火兄弟」，「木火同明」早前已經在主場谷草勝出。至於「木火兄弟」，上季取3捷，可惜差少少才夠分跑打吡，最後於打吡大賽日跑完三班田草2000米之後，賽後翌日驗到右前腿懸韌帶受傷，久休至今。 「木火兄弟」埋門1600米草閘第2。 「木火兄弟」抖暑重新做工夫，試咗兩課閘後，今期沙田日賽終於作季內復出，出戰第9場三班1600米草地，埋門田草1600米試閘，喺楊明綸胯下沿途領放，拉士仍有餘勢，最後以第2名過終點，擺明操好才跑，值得留意。 另外，前法國騎師李格力與前香港女騎師江碧蕙曾經有段婚姻，兩人育有兩名兒子，分別為大仔李國銘（Samuel Legrix）以及細仔李國寶（Anthony）。 李格力大仔做騎師 當中大仔李國銘唔經唔覺已經22歲，選擇同父母行同一條路，日前喺卡塔爾多哈馬場出道，成為見習騎師，於一場純種阿拉伯賽事中取得第5名。