年年友福馬主賀壽 11/02/2024 如果有留意開馬圈新聞，都應該記得大年初三係「友福」系馬主蘇永強大日子，事關呢日就係佢生日，所以佢經常於賀歲賽派旗下馬匹出擊，希望可以贏馬慶祝生日兼攞意頭。 「年年友福」埋門試泥閘備戰積極。 事實上，原來蘇生曾經4度於大年初三拉頭馬，由2013年「逸逸友福」、2014及2016年都係「仁仁友福」，到舊年就係「友盈友福」，旺氣逼人。到咗今年龍年賀歲戰，鄭俊偉安排蘇生的「友盈友福」同埋「年年友福」一齊出擊，梗係想重溫好夢。 論餐士，「友盈友福」上年係贏五班1400米，依家跑四班同程，難度梗係高，反而「年年友福」更要吼實，事關呢匹拍賣馬狀態校得啱啱好，上仗田草1800米跑第3名後，立即加強操練，埋門試泥閘提升狀態，之後再安排3駒草地拍跳，操練非常積極，今次跑贏馬路程田草1600米抽2檔好位，條件有利，值得重視。