告仔冇介紹錯 天足貓Cody交足貨 13/03/2024 曾經擔任告東尼馬房副練多年嘅巫偉傑（Cody），今季終於升正，雖然暫時只得9場頭馬，但以佢季初嘅兵源同廐內馬匹質素嚟講，成績唔算太失禮，而經過一段時間努力，巫廐目前養馬達57匹，早排亦有一眾「電路」系賽駒加盟，甚至「加州」系亦有唔少馬匹交畀佢訓練，包括兩匹3歲歐洲PPG「加州星皓」及「加州陽光」，真係愈嚟愈多支持。 「天足貓」上仗第2度勝出谷草1200米。 其實跟咗告東尼咁耐，巫偉傑固然學咗唔少嘢，而作為師傅都好關照呢位好幫手，就以今晚出戰第2場三班1200米嘅「天足貓」為例，馬主歐志浩正正係因為Tony哥嘅意見，先將愛駒交畀Cody訓練。 巫偉傑 歐志浩講早幾年養過一匹「悅裕」擺喺東廐，當時愛駒操練由巫偉傑一手包辦 ，而上季尾要安排「天足貓」轉馬房，都有問告東尼意見，而Tony哥就同佢推薦Cody，所以順理成章轉投巫廐，而Cody處事十分認真，雙方一拍即合，歐生亦大讚練者將「天足貓」養得好好，毛色好靚，估唔到上季贏咗3場後，今季交到兩W兼贏埋谷草，令愛駒喺田草、泥及谷3個場地都建功。至於今次評60分卻揀升上三班跑，歐生一早講明部署交晒畀Cody決定，睇吓再由潘明輝操刀能否順利攞到今季第3W。 潘明輝