川河型駒方氏父子多面睇 06/04/2024 練馬師督操地方來來去去都係幾個選擇，烽火台、公眾看台、機坪又或車場大斜路，不過方嘉柏今次比較特別啲，喺家中露台睇馬，夠晒方便及清靜，佢屋企對正馬場大跑道，是眾多宿舍之中最靚位置，如果踢拖行落烽火台唔使3分鐘。 方嘉柏 昨晨7時15分，第3場三班1200米的「川河型駒」由湯普新快試兩段，副練及小小方Ronan行到烽火台欄邊位打點，以為練馬師缺席無到場，望真啲原來黃雀在後，佢在家中露台遠眺監測整個過程，邊個偷懶唔做嘢難逃法眼。 方嘉柏兒子Ronan 「川河型駒」前仗跑同程田草1200米得殿軍，負於「實力派」不是1個馬位，上鋪湯普新接手跑快活谷未可作據，今轉戰沙田出擊，騎者啱啱泥地賽爆完隻「年年友福」，陣上表現愈騎愈有信心，可望與方仔擦出火花。 「川河型駒」昨朝出試夠醒神。