桃花多助鄭廐護級 13/04/2024 鄭俊偉現時有10場頭馬，非從化倉欠6W才上岸，能否趕上尾班車真係未知之數，不過鄭俊偉在圈中人緣好，成日有馬轉入去鄭廐幫手護級，好似早前「自力更生」、「宇宙動力」及「威力星」就拉咗去鄭廐，尚有馬主曾祥顯嘅「桃花多」，早前都加盟鄭俊偉馬房，似乎想幫倉主護級呀，睇番呢隻5歲拍賣會馬，過往四班贏過「善傳萬里」，今季初狀態低迷順勢夠分，到上次轉去鄭廐首戰已經跑一席第2，當日季軍「勇冠群英」，再出成功補中，可見「桃花多」身在五班有優勢，鄭俊偉仲有一場五班頭馬配額未用，「桃花多」呢匹雷霆救兵，絕對具超級戰意。 「桃花多」（近鏡）上仗轉倉後即拚獲亞軍。