金鎗六十暫時唔退役 05/06/2024 香港3屆馬王「金鎗六十」，即使今季已經8歲，但去年香港國際賽攻下香港一哩錦標，4月下旬出戰冠軍一哩賽，久休復出加上受制場地影響，最後落敗只跑得殿軍，而賽後幕後一直對香港馬王去向保持開放態度，而事實上「金鎗六十」晨課一直有操練。 「金鎗六十」今季輕勝香港一哩錦標。 昨日呂健威證實「金鎗六十」暫時唔會退役，留待下季初再作決定，因為現時「金鎗六十」進行簡單慢踱工夫，馬匹身心俱好，仲係好享受競賽。若然「金鎗六十」下季繼續跑的話，目標當然放在香港一哩錦標，若然狀態良好唔排除會跑一場熱身先。 何澤堯暑期英日客串 至於何澤堯就話自己日日見到「金鎗六十」，覺得佢現時充滿新鮮感，仲係好想出賽咁話。而何澤堯今年暑期將先往英國客串，之後再去日本，代表香港出戰世界星級騎師大賽。