誓要破悶局轉手風　霍宏聲心想事成 26/06/2024 與上季35W相比，霍宏聲今季係有少少跌watt，暫時只係贏得23場頭馬，最大問題係佢由4月至今只得兩場勝仗，手風認真平平，而喺最近呢幾次賽事佢亦攞唔到太多支持，通常每期騎2至4駒，更慘嘅係經常搏失輸少少，單計對上3期加埋8匹坐騎，先後有「祝願」、「機械騎士」、「上校」同埋「駟跑得」跑亞軍，相信聲仔都好無癮。 霍宏聲 雖然只得22歲，但霍宏聲自細已經喺香港馬圈成長，自然明白喺呢度嘅生存之道，若然情況冇咩改善，下季會更難捱，所以目前最重要係盡快打破缺口轉吓手風。今晚聲仔騎4駒上陣，部分都有牌面機會，好似第4場四班1200米，今季算好支持佢嘅廖康銘繼續將「心想事成」交畀佢策騎，呢匹5歲馬最近重返四班自然有優勢，剛戰於聲仔胯下跑四班谷草1200米得第4名，今次再攻同程孭少3磅，檔位亦比上次好，睇吓能否收復前失，幫最近成日做阿二嘅聲仔贏番場啦！ 廖康銘 # 「心想事成」上季曾配霍宏聲勝出谷草。