百賀飛駒評80分卻未勝 14/12/2024 「直線力山」啱啱就喺香港盃跑獲第5名，都收到140萬獎金，差唔多等如一場二班賽頭馬嘅獎金。而星期日由呂健威訓練嘅同主馬「百賀飛駒」將會亮相，呢匹4歲澳洲自購馬相信會係馬主今年嘅打吡希望。不過，來港後評80分嘅「百賀飛駒」原來喺澳洲未贏過馬，上陣13次得1亞4季，包括一級賽2000米春季冠軍錦標摘亞，以及一級賽2000米玫瑰崗堅尼跑第3。要跑打吡長力完全唔係問題，明日就睇睇「百賀飛駒」可唔可以適應香港環境，拎到服役以嚟首場勝仗啦！ 「百賀飛駒」抵港後操好才戰。