金鑽八十潘頓識做 22/12/2024 前短途三冠王「金鑽貴人」自從上季尾喺G2短途錦標順利掄元後，發現左前腿不良於行及左前球節受傷，左前球節並要接受手術，結果抖到依家，月初亦未能衞冕香港短途錦標，直到啱啱禮拜二先首次試大閘考驗，結果喺麥道朗胯下包尾而回，但文家良話純粹讓呢匹短途王輕舒步頭，佢都滿意馬匹走勢。 金鑽八十多次試閘操好才戰。 不過，「金鑽貴人」究竟幾時復出？應該都仲要等段時間，但今日見到同主馬「金鑽八十」登場，出戰第2場四班1400米，強配潘頓出擊，莫非可以同「金鑽貴人」一樣一鳴驚人？講起「金鑽八十」，點解今次用呢個馬名，原來係因為馬主之一鄭明亮剛剛80歲，所以就改咗呢個名。而呢匹3歲PPG來港日子唔算太長，但工夫算積極，早喺9月中已經安排試1000米草閘，埋門再試多3課從化大閘先至上陣，尤其月初時段試1000米草閘追勢吸引，狀態已有作戰水準，況且潘頓肯騎，以潘頓同「金鑽」系馬主嘅關係咁好，希望可以幫鄭氏一家贏馬。 潘頓