馬主力撐阿航 神煞金剛後上絕殺 15/01/2025 馬圈離離合合，都係司空見慣嘅嘢，但亦總會有啲馬主不離不棄，只係支持一個練馬師，當中「金剛」系馬主許晉奎真係最佳例子，自從簡炳墀退休，葉楚航開倉後，就一直將所有「金剛」系賽駒擺喺葉廐，即使近年馬匹整體成績唔算太突出，依然風雨不改，全力支持葉廐，結果上個月中終於取得回報，憑「神煞金剛」贏到久違嘅頭馬。 葉楚航 許生話葉楚航做騎師嗰陣時已經識佢，而當簡炳墀退休後佢就將啲馬畀晒佢練，咁多年都冇轉過練馬師，因為唔鍾意成日轉，況且亦覺得阿航有交帶。 艾兆禮 另外，許生提到每個馬主都想買到好馬，佢自己都養過佳駟，但唔係人人都咁好彩同有運氣，即使用好貴嘅價錢都未必買到良駒，而近年啲馬王身價亦唔算太貴。至於「神煞金剛」佢覺得前仗已經跑得好，事關擊敗愛駒嘅「竣誠駒」已經升班，上次對手唔強，佢都有信心，而且自己鍾意見到愛駒後上贏馬，如果由頭放到尾反而唔夠過癮，「神煞金剛」正正滿足佢要求，今次再配艾兆禮跑五班中長途，睇吓能否再次後上殺敵？ 「神煞金剛」上仗谷草長途打開勝門。