祝願勇闖第2關 02/03/2025 今日舉行4歲馬經典系列次關香港經典盃，唔少人都覺得今屆形勢緊湊，全場逾半數參戰馬都有爭勝機會，但睇番近10年此盃賽的賽果，其實都有「驕陽明駒」、「金鎗六十」、「佳龍駒」同埋「首飾太陽」4駒贏完香港經典一哩賽後再捧走香港經典盃，而新勝香港經典一哩賽嘅「祝願」今次掛頭牌上陣，話唔定可以贏埋呢關。 廖康銘 聽「祝願」其中兩位女馬主車曉紅及唐獻芳講，佢哋當初真係冇諗過愛駒可以攞到咁好成績，因為「祝願」體重唔夠1,000磅，比較細隻，點知鬥心十足，由一匹評52分嘅PPG變成依家贏埋香港經典一哩賽，絕對係一大成就，演出亦不斷進步，而睇埋上場走勢，即使佢哋都知今次香港經典盃嘅對手都係好強，依然樂觀，同時對廖康銘及霍宏聲充滿信心。 祝願上仗勝出香港經典一哩賽。 另外，除咗「祝願」，車曉紅、唐獻芳今日叫三飛，因為兩人亦同時係匯豐團體及紅粉精英團體成員，呢兩個團體就有「隼閣」及「翠紅」分途出擊，前駒屬新勝馬，而「翠紅」前仗喺1000米直路賽跑得好，今次增程挑戰，睇吓佢哋能否1日拉3次頭馬啦！