奧爾民：都靈勇士好弗 05/03/2025 3個來港客串6星期嘅騎師中，目前僅得27歲嘅澳洲騎師奧爾民取得頭馬，另外兩位英、愛好手金誠剛及麥當能則尚未打開勝利之門。奧爾民連贏兩期後，支持度顯著上升，今晚更有7匹坐騎，騎者表示好感激姚本輝嘅支持。另外，奧爾民今晚其一坐騎係文家良旗下第8場嘅「都靈勇士」，此駒季內取得兩捷，奧爾民埋門亦曾策騎此匹新勝馬試閘，騎者表示馬匹狀態好好，有信心可以憑「都靈勇士」取得勝仗連贏3期，他說：「『都靈勇士』試閘喺『祝願』後面返嚟，可見馬匹狀態好好，今次抽到個好檔，只要維持上仗走勢，相信有機會再贏。」 奧爾民最近為「都靈勇士」試泥閘。