錢多多奧爾民交功課 12/03/2025 牌委會日前公布，本來在港客串至4月2日嘅奧爾民將會續牌至季尾。奧爾民作為3屆昆士蘭冠軍騎師，喺澳洲發展尚算順利，但其實佢一直都好渴望來港一展拳腳，現時得到機會來港，短期內又交到頭馬證明實力，現時得到唔少支持，騎者當然開心。 「錢多多」前朝奧爾民主持最後試跑。 今期跑馬地夜賽，奧爾民策騎6駒上陣，來自唔同馬房。其中第2場四班1650米將騎「錢多多」上陣，此駒上仗出戰1650米泥地，出閘即拋跌黃寶妮，今次易配奧爾民返首本路程，賽前從化考閘更由奧爾民親自主理，加強人馬溝通，騎者今次首度與希斯合作，當然想交出成績。 第7場三班1200米，「四季醒」季初居二班起步，現時評分已下調至70分處三班，上仗奧爾民首度策騎，竟可在盲門路程谷草1200米跑入第4名，人馬合拍之餘亦見走勢復甦，捲土重來當然繼續留意。