歌利巨人天生行路古怪 26/04/2025 近年已經進身成為法國大咖練馬師嘅葛威法，昨朝到場睇旗下「歌利巨人」嘅操練，雖然只係泥地出試，不過練者都好重視雨後嘅泥地狀況，更自行出泥地跑道踩吓地。 歌利巨人的步姿再成為焦點。 對於「歌利巨人」左後腳步姿特別，行路總係翹起，引起本地行內以至馬迷關注，練馬師葛威法昨早接受訪時，就認為只係馬匹本身天生如是，千祈唔好擔心係馬匹腳部出問題。葛威法指出：「『歌利巨人』一直都會翹起後腳行，但大家都睇到馬匹快跳，係完全無問題，甚至之前於雅士谷出戰英皇錦標，『歌利巨人』在馬場亮相圈步姿都係無變，而且最終都贏到英皇錦標，所以毋須為此介意。」 至於「歌利巨人」馬主John Stewart 就響社交媒體公布，會喺星期日賽前，早上9至11點期間，喺尖沙咀某酒店前向馬迷派發小禮物，仲講明歡迎合照同簽名。