博愛先鋒倉主緊張 27/04/2025 巫偉傑馬房5匹戰駒集中晒在上半場出擊，練者昨晨如常積極進行備戰工夫，待6點半過後，安排有賽程的戰駒到內圈踱步加課，重點馬梗要吼實第3場「博愛先鋒」，狀態保持勇銳，表現得火氣噴噴，再遇贏馬拍檔韋紀力，可望好夢重溫。 博愛先鋒、巫偉傑 第4場「但求開心」1400米起家，近仗攻長途賽反而牽強，接受現實今仗縮程出擊，相信可以有更好表現。巫偉傑在督操期間顯得特別肉緊，全程跟出跟入無走雞，應該有啲計仔。