堀宣行兩駒大陣仗 27/04/2025 今日冠軍賽馬日，昨晨14匹外隊馬中，有12駒亮相，兩匹跑女皇盃嘅賽駒，新西蘭代表「贏家」同巴林代表「奇力駒」則留喺隔離馬房。而「歌利巨人」、「自由島」同「名俠」慢跳，其餘賽駒則慢踱一至兩圈。 里見夢境、鍵琴高奏、堀宣行 而堀宣行旗下嘅「里見夢境」同「鍵琴高奏」喺泥地踱完步之後，練者再臨時安排兩駒去亮相圈遊花園，堀宣行仲要全程跟到實一實，之後亦安排入馬格適應環境，備戰一絲不苟，誓要相隔8年後再度揚威香港。