天將龍駒1檔幫到手 03/05/2025 季初陷於苦戰的巫顯東，自今年初與師傅沈集成關係破冰一齊贏馬後，手風慢慢回順，騎者亦多了支持，無疑部分機會平平，但有得出賽起碼比作壁上觀好。呂健威馬房「天將龍駒」在港落地操練後，大部分時間均交晒畀巫顯東一手操練同上陣，結果上仗終於打開在港勝門。 天將龍駒上仗配巫顯東開齋。 巫顯東接受訪問時表示，感激每個支持過佢嘅人，能夠得到更多機會上陣當然開心。而上次成功贏馬嘅「天將龍駒」，今次再增程出戰第10場三班2000米。巫顯東表示清楚馬匹個性，此駒馬性乖巧，陣上聽從鞍上人指示，上仗終於贏番一場。上次贏1800米，今次再增程上2000米，東東都話要跑咗先知道隻馬應唔應付到，不過抽到1檔好位助力大，希望屆時可再下一城。