布文連跨境寶馬都唔吼 蕭家軍新血正極 04/05/2025 蕭百君家族嘅紅黑兵團早輪處於換血階段，其中囝囝蕭劍平喺舊年年尾同今年初就有兩匹K布新血抵港，分別係3歲愛爾蘭新馬「解碼」同埋3歲澳洲自購馬「正極」，咁啱今日雙雙首度登場，再加埋蕭生另一匹愛駒「米奇」改用潘頓角逐第4場二班1600米，派出3駒上陣，應該都有計。其中角逐第5場三班1200米嘅「正極」，交由沈集成訓練，以往蕭氏家族較少同成哥合作，但原來蕭劍平之前有隻「大哥兒」擺喺沈廐，可惜未出賽已經取消登記，依家「正極」再次合作，而成哥梗係想做到最好。事實上呢匹3歲PP來頭唔簡單，喺澳洲10戰2冠3亞2季，跑過3場一級賽，來港後最後一仗喺二級賽跑第3名，難怪評78分插班。雖然來港日子唔算長，沈集成安排「正極」試咗3課大閘，全部由布文考驗，結果OK哥最終連「跨境寶馬」都唔騎，就知「正極」唔簡單，配合1檔好位，相信跑三班賽有權一鳴驚人，值得重視。 「正極」周四朝由布文試草地，走勢吸引。