舞林寶典郭富城搶攻 18/05/2025 講起明星馬主，又點少得天王郭富城（Aaron），佢都算非常投入賽馬運動，只要得閒都會帶埋老婆方媛同囡囡入場為愛駒打氣。至於養馬運，Aaron一啲都唔差，由首匹愛駒「愛的呼喚」、「舞士精神」、「舞林密碼」同埋佢同老友張智霖等老友夾份嘅「愛將」，全部都識贏，更重要係呢幾隻馬全部初出都係非冠即亞，即係話唔好唔出，今日輪到Aaron另一匹愛駒「舞林寶典」首度登場，既然珠玉在前，當然要吼實。 郭富城 郭富城呢匹新寵「舞林寶典」真係操好先上陣，事關呢匹澳洲PPG早喺2023年7月尾就嚟到香港，但一直未能上陣，舊年3月尾就驗出左前腿不良於行，結果等足一年都未跑過，去到今年1月尾就右前腿不良於行，又停課近兩個月，最近操練先回復正常，上個月就喺從化試咗兩課大閘，都有啲追勢，埋門返回沙田就由布文親自彈草閘，擺明操夠先上陣，兼且有運抽到直路賽12檔好位，睇吓郭富城能否保持傳統，「舞林寶典」初出立即有好成績啦。 「舞林寶典」從化試閘做好工夫。