鍾易禮差2W升格 21/05/2025 鍾易禮（Angus）上季以46W拎到「告東尼獎」後，今季首次以大師傅身份展開馬季，成績就冇上季咁好，暫時只得16場頭馬。不過，其實大部分見習生當升正後都要面對一段適應期，所以又唔使太擔心Angus，事關佢師傅告東尼依然好關照佢，對上1W「奔放」都係出自東廐。另外，原來鍾易禮出道兩季多啲，在港已累積93場頭馬，換言之佢只差兩場就會升正變減2磅，今晚跑馬地賽事，鍾易禮夫卜上陣，亦有不少實力坐騎，絕對有權起孖升格。 鍾易禮 好似出自告東尼馬房「加州活力」，剛戰終於喺布文胯下贏咗場五班谷草1650米打開勝門，即使今回升上四班，但4歲愛爾蘭PPG踏入升軌，今次孭少17磅肯定有優勢，即使抽12檔，但既然上次抽11檔都贏到，可以照辦煮碗。 開心五月全力盡拚 至於第8場Angus接手陳璟瓏名下嘅「開心五月」，佢今季曾策陳生有份嘅「開心勇駒」同埋陳生囝囝陳俊文嘅「開心寶寶」，彼此關係甚佳，今次獲得帥印肯定盡拚。同埋「開心五月」上仗升班慘敗，可能同離開沙圈時觸碰欄杆，然後全程搶口有關，今次轉場跑谷草1650米，變身不奇，甚至有權助Angus升格。