包裝天將潘頓搏甩髀 23/05/2025 騎師去烽火台搵呂健威匯報，向來也是練者出擊信號，上星期就有希威森賽前於烽火台搵威哥匯報「營造組裝」，結果馬匹剛周日順利連捷。昨早潘頓操完「包裝天將」後，到烽火台搵威哥匯報，重視程度可見一斑。 「包裝天將」 今次潘頓自1月尾香港經典一哩賽之後，再次接手「包裝天將」，相信幕後安排此駒在遮打盃賽日上陣，原意想搵莫雷拉策騎，但由於「橡木城」最後放棄來港，雷神未能來港客串，最終帥權落入潘頓手中。過去莫雷拉在香港長駐時，潘頓接手其騎過的賽駒，通常都會有不錯成績，加上呂廐亮起出擊信號，今次應該實食冇黐牙！