冇咗喆喆友福　湯普新仲有堅多福 28/05/2025 舊年2月中毅然來港發展嘅澳洲好手湯普新，可能嚟自昆士蘭名氣唔算太響，所以初期搵唔到咩支持，慶幸佢夠努力兼默默耕耘，上季都有7場頭馬。到咗今季情況唔算有咩大變化，今季初只係靠「友福」系馬主蘇永強力撐，湯普新季初頭4W有3場嚟自「友福」系賽駒，儼如蘇生主帥一樣。不過，今晚第4場四班1200米，蘇永強愛駒「喆喆友福」上仗初跑谷草配湯普新入Q，今次再攻同程，湯普新卻因為一早應承最後只列後備一嘅葉廐馬「亨驥」，結果「喆喆友福」改用田泰安掛帥，隨時令佢失去「友福」系支持，都咪話唔令人擔心。 湯普新 雖然湯普新仲有冇得騎「友福」系賽駒仍屬未知之數，慶幸今晚有方嘉柏支持，共騎3匹柏廐馬出擊，其中第5場四班1650米蘇特恩盃嘅「堅多福」，雖然6次出賽輸晒，但上仗初跑此程擺前走只輸兩個半馬位得第6名，走勢有明顯改善，復課工夫如常，排位朝亦試草地，今次只負116磅而檔位不差，有權提升名次，不能忽視。 方嘉柏 # 「堅多福」周一朝試草地渾身是勁。