小潘復出發揮威力 31/05/2025 蔡明紹喺啱啱禮拜三憑蔡約翰嘅「平海之星」建功後，季內頭馬數字已達30W，畀上季多咗4場，而佢目前只落後潘明輝4W，所以今季「告東尼獎」之爭，似乎仲有變數。尤其火車潘稍後仲要停賽兩期，所以今日沙田賽事復出，梗係要盡力贏馬，務求擴大領先優勢，力爭首個「告東尼獎」殊榮。 潘明輝 睇番今期田戰，潘明輝有9匹坐騎，嚟自師傅賀賢馬房嘅「威力勇驥」及「嘉應奇兵」都係餐士馬，相信火車潘想進一步拋離蔡明紹之餘，都想為師傅打破悶局嘅。 其中第1場五班1400米草地嘅「威力勇驥」，出道兩季表現唔算太突出，但最近加眼罩後演出有明顯進步，近3仗除咗泥地1200米嗰場跑第5名，其餘兩場跑田草1200米都入三甲，剛戰重配潘明輝則後上不及跑第3名。今次增程跑1400米，作為全場唯一上仗入圍馬，兼且有運抽到3檔，應該係最佳出頭機會。