葳莉非凡賀兩個阿爸 07/06/2025 就嚟到父親節，馬圈都有幾個準爸爸，講緊就係希威森，呢位南非騎師嘅老婆Hannah上年12月初公布有喜，騎者昨晨仲透露太太嘅預產期係下星期一，真係恭喜晒！BB就嚟出世，希威森梗係要畀心機搵奶粉錢，今次記得留意希威森嘅坐騎。 艾道拿 而馬會早前公布艾道拿下周三因私事請假缺席谷草賽事，據悉艾道拿會返澳洲陪太太Taylor分娩，以迎接第3個小朋友。至於黎昭昇太太莊倩昨晨亦透露，佢嘅預產期係6月30日，之後囝囝Spencer就會有個妹妹一齊成長。艾道拿同黎昭昇兩個準爸爸，星期日會合作第2場「葳莉非凡」，質新馬兩仗演出都不俗，睇吓可唔可以成為兩位爸爸最佳禮物啦 ！ 「葳莉非凡」周四最後試跑收身上力。