麥道朗出戰皇家雅士谷 16/06/2025 明日起至周六皇家雅士谷5日賽期，本地馬迷熟悉的麥道朗將會出戰，除咗為馬漢雅旗下玉龍集團馬匹遠征，仲得到卡塔爾集團Wathnan Racing邀請，響皇家雅士谷為佢哋效力，呢次係繼2022年夥拍澳洲短途王「綠化帶」揚威皇席錦標，麥道朗相隔3年崔護重來。 由於Wathnan Racing今屆皇家雅士谷屯重兵，除咗主帥杜俊誠，甚至布宜學可代勞外，仲揾埋麥道朗組成鋼鐵陣容，卜定佢響劍橋公爵錦標策「鮮紅倡議」。而明日就會為玉龍集團名下「護草使者」出戰女皇安妮錦標及高雲地利錦標策騎「承包」。