美麗星晨閃亮登場 28/06/2025 今日第11場三班1400米草地，「美麗」系又嚟一招雙龍出海，掛頭牌嘅「一起美麗」就抖咗兩個月復出，兼且谷草1800米縮程跑田算1400米，難度唔低，反而初次上陣嘅「美麗星晨」或更有留意價值。呢匹由告東尼訓練嘅3歲愛爾蘭自購馬，由郭羅桂珍同囝囝郭浩泉夾份擁有，呢對母子組合嘅賽駒大部分都交到成績，「美麗大師」一出即勝，其後更攻下香港一哩錦標，而「美麗同享」雖然唔係在港初出即贏，但轉投東廐首次上陣同樣建功，之後多次於分級賽贏馬，上周日以8歲之齡贏G3精英碟。 艾道拿 至於今次主角「美麗星晨」，即使來自愛爾蘭，且來港前只贏過一場膠沙地賽事，但適應水土算快，今年3月中先抵港，操咗唔夠3個月多啲就可以上陣，埋門兩課泥閘唔係跑第1就係第2名，走勢吸引，已有作戰水準，以往呢件綵衣通常好快攞到好成績，此駒今次由上周為「美麗同享」贏G3嘅艾道拿執韁，睇吓呢對組合能否再建奇功？ 「美麗星晨」（近）近兩課試閘非一即二。