驍勇善戰破僵局 04/07/2025 上周三谷戰發生落樓意外的周俊樂，慶幸無大礙，並於剛周二已復操，而明日佢就停賽期滿復出，獲9匹坐騎，相信都想響煞科前交出好成績。 周俊樂 周俊樂受傷前連贏3日，今期復出戰佢亦獲得師傅韋達支持，再次夥拍「驍勇善戰」角逐第2場五班1200米泥地，究竟能否取得佢哋近3年半合作首W呢？「驍勇善戰」10戰全敗，但轉投韋達馬房後續有進展，上仗谷草1000米用周俊樂執韁跑第5名，埋門試咗兩課泥閘，由周俊樂考驗嗰課更率先衝線，今次轉跑泥地有的放矢。 何澤堯今日可復操 另外，2月初落樓受傷的何澤堯，經歷近5個月休養後，昨已接受醫生評估，確定適宜由今日起可恢復策馬出操。不過呢位華將未復操前，先去日本搵老拍檔馬王「金鎗六十」敍舊，更親自踱步。