潘頓再遇獵寶勤
07/07/2025
前日沙田賽事潘頓食出大四喜,分別為賀賢、告東尼同埋希斯建功。喺禮拜三跑馬地賽事,潘頓卜定8匹坐騎,蔡約翰佔咗5駒,就係「無限美麗」、「獵寶勤」、「大利好運」、「魅力心」同埋「波爾多」,當中以「獵寶勤」最有話題性。
「獵寶勤」上年7月10日配潘頓落敗惹詬病。
「獵寶勤」去年7月10日由潘頓策騎跑谷草四班1200米,最終得第4名,但騎法引起唔少關注,甚至競賽小組都要押後研訊,當時都有啲人覺得潘頓會唔會因為咁被罰停賽。最終競賽小組未能充分確定潘頓的行為不合理及違反賽事規例,告誡了事。到咗今季,潘頓就一直無再騎「獵寶勤」,而呢匹4歲馬亦一直贏唔到,最近增程跑谷草1650米效果一般,今次蔡約翰幫此駒報跑谷草1200米,兼且重配潘頓,又係季尾階段,賽果令人期待。