「精算」馬主嚮往大自然　激流贏完到暴雪 16/07/2025 啱啱禮拜日沙田煞科戰，蔡約翰連中三元順利提早封王，功臣之一嘅「精算激流」以14倍半冷身份開齋，賽後「精算」系揸弗人龐維寧同埋囝囝龐熙霆一齊拉頭馬，梗係好開心啦！正所謂好嘢唔好畀佢停，繼「精算激流」後，龐熙霆有機會喺今晚跑馬地煞科夜一樣拉頭馬，主角就係第8場二班1200米嘅「精算暴雪」。 蔡約翰 雖然龐熙霆名下嘅馬都係跟足爸爸龐維寧用「精算」行頭，但佢自己名下馬「精算風暴」、「精算赤焰」、「精算激流」同埋「精算暴雪」嘅馬名另一部分都係同天氣、大自然有關，佢話自己一向都好鍾意大自然環境，所以幫愛駒改名時都同呢方面有關，甚至遲啲再養馬都係用呢個方向諗馬名，十分有性格。 馬主龐熙霆 至於「精算暴雪」今季8戰得2冠1亞2季，上仗田草1200米輸畀廐侶「氣勢」得亞軍，今次回師強項谷草1200米，龐維寧剛周日提過如果抽好檔，應該有啲餐士，依家就抽3檔起步，有權助「精算」系連贏兩日。 「精算暴雪」季內已取兩勝。