何澤堯古活馬場頒獎 31/07/2025 何澤堯喺上季尾透露傷勢已經好返近九成，並已經喺沙田馬場重上馬背操練，Vincent就話暑假會去歐洲操馬保持狀態，唔會急住復出，而何澤堯早前仲喺法國同兩位師弟黃智弘同周俊樂一齊食飯。最近何澤堯就轉移陣地去英國，日前入古活馬場頒獎，Vincent平時喺馬場捧盃就捧得多，做頒獎嘉賓就真係少見，而騎者就喺二級賽里諾斯錦標代表香港賽馬會，頒獎畀勝出頭馬「證人台」練馬師之一殷尚爾同騎師杜苑欣。 何澤堯、杜苑欣（何澤堯IG） 賀銘年法國復出跑第7 另外，法國騎師賀銘年喺香港騎咗5年之後，返回祖家發展。賀銘年偕妻女離港後，先到瑞士度假，日前已返法國，前日喺法國高濱馬場復出，全日只騎一駒結果跑第7名。