多位見習學員處境各異 20/08/2025 現時香港有幾位見習學員喺澳洲受訓，而袁幸堯喺稍後時間會再去南非學藝。至於見習騎師黃寶妮已取得18W，距離成為7磅仔只差2W，另一位牌仔黃智弘已經喺香港贏51W。短期內會唔會有新見習騎師暫時未知，但要留意現時喺海外嘅香港見習學員動態。 喺澳洲逗留最長時間嘅黎彥麟，2023年喺當地上陣後贏咗53場頭馬，不過黎彥麟自6月27日喺南澳Bordertown馬場上陣後就未有再出賽。去年發生意外的林霖，今年初已可在香港出席晨操，不過只是操練俗稱「格仔馬」的騎術學校訓練馬，而林霖於4月曾返澳洲處理簽證，現時仍未復出。 至於呂廐副練薛順強之子薛兆恆去年年底前往南澳受訓，已於當地受訓超過半年，暫取22W。張文軍今年起喺西澳學藝至今贏12W，自5月16日後就未有再上陣，不過日前就喺西澳貝蒙馬場參與試閘。近幾個月先到西澳受訓嘅曾佳興，離港前曾經喺希斯馬房學習，現時已經贏咗10場頭馬。