幸運傳承強項有計 10/09/2025 方嘉柏開鑼日憑「星運少爺」開齋，何澤堯傷愈復出贏馬，對於呢位昔日愛徒，始終愛護有加，嚟緊日子真係唔愁冇合作，今期谷戰開鑼，練者貴為黑夜之神，重返主場當然有部署，第1場的「幸運傳承」已有機會先拔頭籌。 「幸運傳承」 「幸運傳承」雖然為三零部隊，但跑得最好兩次殿軍都係在谷草1200米取得，上季尾跑泥地及進軍1400米，似乎都係立心等今季，初出即揀番強項報名，反正留住追外檔無問題，冷門要小心。另外第3場「超強六十」繼續交由徒弟黃智弘出戰，上季搏得密響5月21日落敗後隨即運上從化休息，提早收咧。暑期重新做工夫，排位體重明顯比上季尾幾場增番磅，睇嚟要好好把握機會。