飛雪神駒游刃有余 14/09/2025 蔡約翰今季一反常態，開鑼日已經有頭馬進帳，憑質新馬「辣得準」爆冷W，睇嚟蔡神仙嘅攻勢未必要等到11月。而喺今日田戰，蔡廐派10駒參戰，擺明想繼續數胡，其中第4場力爭跨季孖寶嘅「精算激流」當然值得重視。 馬主余國賢 現年5歲嘅「精算激流」，喺2023年11月初已經嚟到香港，結果足足試咗18課大閘，嚟到今年1月中先至首度登場，但去到季尾已經順利贏馬，都有啲苦盡甘來嘅味道。聽馬主龐熙霆講，愛駒嚟到一年幾，試咗好多課大閘，出賽時間都比較遲，所以要好多謝蔡約翰嘅悉心訓練，最後見證「精算激流」贏馬都好開心。 飛雪神駒（近鏡）9月5日布文試泥閘得第2。 至於點解改呢個馬名，龐生話自己好鍾意玩激流同埋喜歡大自然環境，所以都會幫名下嘅馬改啲同大自然有關嘅馬名，之後都會繼續循咗呢個方向諗。 另外，龐生亦提到「精算激流」之前跑一哩效果一般，相信愛駒應該係1200及1400米比較好，今次復出跑1400米，力爭再下一城。