自力更生泥地都得 21/09/2025 鄭俊偉今季有個好開始，開鑼日立即憑「讓愛高飛」及「桃花多」起孖，但自從贏完呢兩W，對上3次賽事都無進帳，啱啱仲有「木火兄弟」退役。嚟到今日沙田賽事，鄭俊偉派6駒上陣，包括喺開鑼日跑入三甲嘅8歲老馬「自力更生」，轉場增程跑泥地1650米，能否變招得手？ 「自力更生」開鑼日田草1200米得第3。 雖然年紀唔細，但「自力更生」戰鬥力冇乜退化，上季尾仍然可以喺三班田草1400米建功，今季復出跑嫌短田草1200米，臨場冷至54倍，結果只輸畀兩匹質新馬「燈胆將軍」及「天星」等獲季軍，表現唔錯。經過一場熱身後，增程係正路部署，而泥地跑過1200米後上得第4名，反映性能唔會太差，今次繼續由奧爾民執韁，有權補中。