熾烈神駒翻版 潘頓嘜實凱明神駒 21/09/2025 喺季前呢段時間，潘頓似乎早已吼實喺沈集成馬房嘅「神駒」系賽駒，而喺上月27日泥閘，呢位冠軍騎師先後考驗「熾烈神駒」同埋「凱明神駒」，走勢都相當吸引，結果前駒喺上周日嘅四班泥地1200米順利大熱掄元，今日輪到「凱明神駒」登場，角逐第4場四班1650米泥地，莫非可以照辦煮碗，潘頓再次為「神駒」系建功？ 潘頓 同近年「神駒」系引入嘅自購馬一樣，「凱明神駒」都係嚟自南美，而呢匹巴西自購馬來港前已經跑咗13場，成績係10冠1亞，但冇贏過一級賽，來港前贏咗兩場G2。不過，始終上陣次數比較多，加上要啲時間適應水土，因此上季初期毫無表現，經過一輪減分兼且轉爭泥地後，上季尾開始喺三班有接近走勢。 沈集成 到咗今季，「凱明神駒」喺四班起步，足足比上季初低咗26分，難怪吸引到潘頓垂青，最近試泥閘後追率先衝線，表現引人，今次復出跑強項泥地一哩，配合埋門潘頓再跳兩課，可望扳回一仗。 「凱明神駒」上月尾配潘頓贏泥閘夠吸引。