年年友福夠晒長氣 01/10/2025 只要稍有資歷嘅馬迷，都知蘇永強嘅「友福」系賽駒同鄭俊偉一直合作無間，但上季馬主卻突然將3駒拉走，分別交畀沈集成同丁冠豪訓練，其中已屆7歲嘅拍賣馬「年年友福」，季初加盟沈廐後首戰跑四班谷草1800米，竟然後上如飛爆出15倍冷W，表現予人驚喜，亦證明馬主眼光無錯。 沈集成 講起點解突然同沈集成合作，蘇永強話自己一早應承咗成哥會支持沈廐，加上依家鄭廐都算強大，所以就將自己名下年紀最大嘅「年年友福」同埋未上陣嘅「嘉嘉友福」畀成哥訓練，至於上次「年年友福」贏谷草1800米，佢話都有啲驚喜，但佢話愛駒係正宗長途馬，早年武豐跑完初出嗰場都話隻馬可以跑2000米，只是初期可能未太成熟，所以跑草地唔算太好表現。 「年年友福」上仗後追贏谷草1800米。 至於上仗贏谷草1800米，正正因為季初跑長途要氣量，「年年友福」反而佔優，同埋佢話依家愛駒沿途包尾都唔使擔心，最重要係中段要推騎，入直路再打鞭就會發揮後勁，佢相信依家愛駒泥草皆宜，只要跑長途就得，所以今次即使轉跑田草1800米都唔使擔心，有望再下一城。