巫偉傑親試翠兒威威 06/10/2025 練馬師巫偉傑（Cody）好耐未試過戎裝上陣課馬，昨晨突然技癢親自操刀，替新轉倉馬「翠兒威威」考驗，拍廐侶「納百川」周俊樂快試砥礪，兩駒不分先後拍住衝過終點，鏡頭矚目。 巫偉傑策「翠兒威威」（左）與「納百川」拍跳。 「翠兒威威」已報名周三晚四班1650米第2組賽事，上季養在容廐，雖未曾打開勝門，但同程經常有接近演出，今仗依然由一直掌帥印的周俊樂主轡，必定拚盡。另外，此駒馬主陳橋森正是騎者女友的父親，即係未來外父，彼此關係匪淺，搏殺起來必定加多兩錢肉緊，且看能否順利開齋？ 巫偉傑 而「納百川」報跑周三晚三班1650米賽事，唔使多講，樂仔對於此駒有絕對認識，鬥志好到加零一，馬兒熱身完一仗後狀態繼續攀升，又是爭勝分子。