潘明輝守得雲開 08/10/2025 唔好話潘明輝自己，相信如果畀大部分馬迷喺今季前估嘅話，一定冇諗過巫顯東會比潘明輝更快開齋，而經過一個多月賽事，只係得番上季「告東尼獎」得主嘅火車潘係唯一未贏馬嘅本地薑，真係估佢唔到。 潘明輝 不過，火車潘真係差啲運氣，今季加埋有7個亞軍同4個第3名。嚟到今晚跑馬地賽事，火車潘雖只騎4駒，但「星雲浩騰」、「長勝金剛」同埋「樂勝天下」上仗都跑入前4名，都係啲有近績支持嘅賽駒，有望幫騎者打破悶局。 星雲浩騰（右）上仗田草1800米負於客家之光。 第1場五班1800米，「星雲浩騰」雖然評分低但同火車潘好合拍，上季贏泥地1800米嗰場正正由佢建功，而上季尾轉投鄭俊偉馬房後，今季先喺谷草一哩熱身，剛戰增程跑田草1800米立即喺火車潘胯下入Q，輸畀今次再度同場嘅「客家之光」，然而今次由受讓10磅變受讓14磅，檔位亦比上次理想，絕對有能力反先。另外，第8場嘅「長勝金剛」無疑贏馬升班，卻孭少10磅，今季難得大勇，火車潘接手必定盡砌，不能忽視。 唔好話潘明輝自己，相信如果畀大部分馬迷喺今季前估嘅話，一定冇諗過巫顯東會比潘明輝更快開齋，而經過一個多月賽事，只係得番上季「告東尼獎」得主嘅火車潘係唯一未贏馬嘅本地薑，真係估佢唔到。 不過，火車潘真係差啲運氣，今季加埋有7個亞軍同4個第3名。嚟到今晚跑馬地賽事，火車潘雖只騎4駒，但「星雲浩騰」、「長勝金剛」同埋「樂勝天下」上仗都跑入前4名，都係啲有近績支持嘅賽駒，有望幫騎者打破悶局。 第1場五班1800米，「星雲浩騰」雖然評分低但同火車潘好合拍，上季贏泥地1800米嗰場正正由佢建功，而上季尾轉投鄭俊偉馬房後，今季先喺谷草一哩熱身，剛戰增程跑田草1800米立即喺火車潘胯下入Q，輸畀今次再度同場嘅「客家之光」，然而今次由受讓10磅變受讓14磅，檔位亦比上次理想，絕對有能力反先。另外，第8場嘅「長勝金剛」無疑贏馬升班，卻孭少10磅，今季難得大勇，火車潘接手必定盡砌，不能忽視。