降班展現瑞祺威楓 12/10/2025 姚本輝馬房今日原定派遣6駒上陣，雖然第4場「大數據」因腳傷受注前退出，但其餘5匹賽駒亦具睇頭，其中列陣第6場四班1600米草地嘅「瑞祺威楓」，今季已在潘大衛胯下跑咗兩場三班1400米賽事，雖然未有獎金名次但兩仗所負不遠，今次初降四班作戰，當然殺氣騰騰。 「瑞祺威楓」今季熱身後減分降班，時機到。 爭一哩綽綽有餘 「瑞祺威楓」係23/24姚本輝練馬師賽馬團體旗下馬匹，作為練馬師團體馬，姚本輝當然對佢都有啲期望。練者表示「瑞祺威楓」會係一匹有用嘅賽駒，不過英國馬適應比預期中慢，佢陣上容易緊張，而呢個緊張嘅情緒，往往影響到佢喺陣上表現，今次初降四班競爭力當然冇三班咁強，與此同時自己都相信佢可應付一哩，希望今場回配上名拍檔周俊樂，可交出好表現。 姚本輝