潘大衛心懷常常感恩
15/10/2025

今季首度來港客串英國籍騎師潘大衛,來港接近兩個月,騎者表示自己已經逐漸適應到喺香港嘅生活,不過潘大衛就話自己唔係好習慣香港嘅賽馬節奏,唔同喺英國日日有馬跑,香港一個禮拜淨係跑兩日馬,其餘時間都唔知做咩好,所以為咗有一個規律嘅生活,潘大衛除咗晨操同賽日,好多時候都會喺健身室訓練。而呢位36歲騎師目前尚未開齋,不過佢好感激眾練馬師一直畀機會,所以都希望可以盡快打開勝利之門,報答練馬師嘅支持。
潘大衛

今期潘大衛5匹坐騎,頭場「常常感恩」季內熱身兩仗後已在狀態,谷草一哩曾跑得接近,均速馬排2檔隨時有驚喜。