紅運帝王落雨就掂 18/10/2025 明日就係季內首場二級賽，途程1600米嘅沙田錦標，由於「遨遊氣泡」跑呢場賽事，令到同場其他賽駒都孭輕磅，因此出現唔少新鮮配搭，當中「祝願」交由巴度主理，「永遠美麗」、「百賀飛駒」則分別配上蔡明紹及楊明綸，而上季爆冷贏得G1冠軍一哩賽嘅「紅運帝王」，鞍上人則換上金誠剛。 「紅運帝王」（左）上季尾變化地擊敗「遨遊氣泡」。 大家都知道「紅運帝王」落完雨之後會變身，睇天文台預測，今日開始會有驟雨，若然落雨時間比較耐，或者喺沙田錦標開跑前落，對呢匹6歲愛爾蘭自購馬嚟講絕對係一大利好因素，加上此駒賽前試閘走勢討好，絕對有機會為金誠剛帶來季內首場頭馬，不容忽視。