告仔開心繼續舞劍 29/10/2025 告東尼馬房上次贏馬已經係10月12日嘅事，當天「劍無名」及「開心五月」起孖，一對戰駒相隔兩個多星期再次於今次賽事同日出擊，應該唔係巧合咁簡單，「劍無名」出爭第3場四班1200米，續由鍾易禮主轡，剛戰田草1200米搶放贏甩對手兩個馬位，好似開咗竅咁款，搵到最佳跑法，今勻轉場出擊可用番呢個戰略，升班孭輕磅都有權突圍。「開心五月」在第7場三班1200米出擊，泥地有根據，易配大師兄蔡明紹搏殺，也是告仔慣常手法，唔會影響戰意。 告東尼 昨晨7時，「劍無名」及「開心五月」如常例課到內圈踱步熱身，整體觀感良好，練者從馬房內踩單車跟出跑道，一眼不漏望足全程，緊張程度滿分，今戰鬥志如虹。 「劍無名」昨朝操練夠淡定。