肯佩斯贏開唔收 30/10/2025 上季拎到4冠2季兼且捧走G3皇太后紀念盃嘅「有目共賞」，啱啱禮拜日復出跑二班田草1600米，可能因為未熱身，結果只跑第11名，表現平平。不過，馬主盧楚鏘又唔使咁擔心，事關「有目共賞」上季都係熱身後愈跑愈好，同埋如果盧生想拉頭馬嘅話，又未必等太耐，因為今晚輪到盧生另一匹愛駒「肯佩斯」上陣，出戰第7場三班1200米。 賀賢 講開呢匹「肯佩斯」，盧楚鏘話當初引入呢匹喺阿根廷贏過G1嘅自購馬，目標係上季嘅4歲馬經典系列賽，可惜愛駒適應水土比較差，同埋早期健康有啲問題，來港初期表現不似預期，估唔到隔咗年半到咗今季，總算展現一定能力，但佢點都估唔到上仗復出跑田草1200米可以後上掄元，因為本身隻馬喺阿根廷贏一哩，所以都好大驚喜，或者可能有新鮮感兼且步速快，結果後上建功。 肯佩斯（左）上仗田草1200米爆冷開齋。 盧楚鏘亦提到對「肯佩斯」有期望，依家總算等到愛駒開齋，都算最佳回報，至於往後部署係繼續跑1200米抑或回師1600米，佢話畀晒賀賢做最好決定，而練者就搞搞新意思，讓呢隻馬轉跑泥地1200米，續用贏馬拍檔艾兆禮，睇吓奇招能否奏效，順利再下一城啦！ 艾兆禮