四班弱組秤先交學費 18/11/2025 以往頭場大多數安排五班賽事，但明晚谷戰有兩場五班賽，卻編排跑第2及3場，反而頭場跑四班1200米，情況頗為特別。不過，睇番頭場出賽馬陣容，或者會明白。 「交學費」今勻落四班即強配布文，不能忽視。 今次四班谷草1200米有兩組，頭場可算是世紀弱組，12匹參戰馬全部上仗都不入三甲，而且全為30倍以上冷門，亦只得「妙玲瓏」一駒曾在港交出頭馬，但牠最近6仗亦未嘗上名，今次更要抽11檔形勢不利。所以今場如果單睇近績刨馬，絕不容易。 不過，由游達榮訓練的「交學費」，即使上季來港至今6戰全負，但剛戰在三班角逐谷草1000米配巫顯東，末段追上得第7名，今次落到四班增程跑1200米，立即強配OK哥布文，或者有意外驚喜。