布文：禾道威唔係五班馬 26/11/2025 布文現時14W，同霍宏聲就只差1場頭馬，邊個取得騎師賽入場券今晚賽後便知曉，而布文贏多1場便取得谷草100W，布文接受訪問時表示，今次未有接到太多坐騎，不過都會盡力爭取入選騎師賽，佢都評價霍宏聲今季發揮非常好。 布文 今期布文就有5匹坐騎，列陣第2場五班1650米嘅「禾道威」，過往喺四班田草一哩上名，上場「禾道威」初降五班跑入殿軍。布文評價「禾道威」指此駒唔係五班馬，只係需要時間適應香港環境 ，同埋本身比較遲熟，不過隻馬依家都慢慢上番軌道，進度唔錯。上場抽12檔起步形勢唔太好，所以只能沿途留後，但馬匹交出好好衝刺，今次抽4檔走位上當然會更加靈活，有一定競爭力。