國際賽港隊配搭大致落實 29/11/2025 馬會喺啱啱星期三公布2025年香港國際賽事獲選馬匹名單，港隊配搭大致落實，當中「世一」騎師麥道朗4關都會為港隊馬上陣，分別策騎「舉步生風」（香港短途錦標）、「錶之銀河」（香港一哩錦標）、「浪漫勇士」（香港盃）及「有目共賞」（香港瓶）。 韋紀力 至於另一澳洲好手布文，係另一位4場一級賽都有坐騎嘅騎師，佢將替「驕陽明駒」（香港短途錦標）、「紅運帝王」（香港一哩錦標）、「大至尊」（香港盃）及「智取神駒」（香港瓶）上陣。至於跑香港盃嘅「直線力山」，則搵嚟韋紀力幫手，韋紀力上季曾替同主「百賀飛駒」勝出香港打吡大賽。 至於潘頓，目前則只知道夥拍「嘉應高昇」及「遨遊氣泡」，分途出戰香港短途錦標及香港一哩錦標，香港盃及香港瓶則未有坐騎。