鍾易禮復出搏勝萬金 03/12/2025 本地騎師鍾易禮及巫顯東剛戰未有坐騎，被迫作壁上觀，今期谷中齊齊重投戰陣，分別策4駒及1駒出賽。鍾易禮今季暫獲6W，統統出自告東尼馬房，與其他練馬師合作則未嘗取勝，因此他騎東廐馬可睇高一線。 「勝萬金」今季於谷草1000米建功。 鍾易禮今戰尾兩場均策東廐馬出賽，第7場三班1000米，「勝萬金」至今4捷，除首勝由潘頓建功之外，其餘3次贏馬都由鍾易禮策騎，包括季內於四班同程一放而回，輕取「超強六十」及之後兩連捷的「瑤瑤日上」，可見賽事水準甚高，今番人馬捲土重來，切勿睇小。第8場三班1800米，「奔放」今季接連兩戰跑同程取季殿各一，表現絕不失禮，試準後再接再厲，幸運地又排4檔靚位，有利搶出主動出擊。 鍾易禮